(psch) De Karkendag findt nich statt? Doch - digital! Un "Plattdüütsch in de Kark" maakt mit. Wi fiert uns eerste "Zoom-Gottesdeenst!“ Ünner dat Karkendagsmotto "Kiek hen" ut Markus 6,38 wöllt wi Sünnavend, den 15. Mai, üm Klock söss de Avend (18.00) över de Bildschirms tosamenkomen un mitenanner Gott löven, to em beden un vun em hören.
Jem sünd vun Harten inlaadt, dorbi to ween! Schickt eenfach een Mail mit jemme Anmellen an  Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!. Imke Schwarz schickt jem denn de Link, mit de jem in dat Zoom-Drepen rin kamen köönt. Jem köönt sik an´n 15. Mai al vun Klock 17.30 an "inloggen", denn hebbt wi Tiet, üm technische Probleme to lösen un ´n beten to snacken. De Goddesdeenst gestalten Paster i.R. Traugott Wrede und Pastorin Imke Schwarz (Neddersassen), Diakon Heinrich Siefert , Pastorin Ute Eisenach (Brandenburg) un Paster Peter Schuchardt (Sleswig-Holsteen). Wi freit uns bannig, wenn jem mitfiern doot- Gott priesen un in´n Gloven tosamen ween, dat geiht ok digital!

 

 

Bookoevergeven in Ollerup

 

Ingwer Oldsen: Grote Besöök bi de evangelische Kinnergoorn. Wichtige Lüüd ut Ollerup un um to weern kamen, all mit Afstand un Mask för`t Gesicht so as dat hüüt mutt. Leiterin Kirsten Thomsen-Kirsch un Gesa Retzlaff vun dat Plattdüütsche Zentrum in Leck freuen sik: en Plattdüütsche Kinnerbook warrd präsenteert ‚Arlewatt un Ollerup‘. De Autoren Elisabeth Hagopian un J. Alexander Schmidt hebben stolt en signeerte Plakaat mitbröcht un vertellen, dat Fernsehen weer ok al dor, bi se bi’t Huus. Plattdüütsche Wichtels as Stars in’t SH-Magazin.

 

 

Filmprojektreeg helpt Kita-Kinner dör de Lockdown

 

Boeoerni Klappe

 

Wat bruken Familien in kontaktbeschränkte Tieden? Frische Luft! Veerteihn Daag lang seeg man in Viöl (Kreis Noordfreesland) flietig Familien vun de Kinnergoorn ut op Snitzeljagd gahn. Böörni, dat plattdüütsche Schaap ut de Kinnergoorn, weer to Sööks. Mit lütte Plastikbuddeln weer en Spoor in’t Dörp utleggt. In jede Buddel weer en Foto vun de Steed binnen, an de dat de neegste Henwies geev. Inlaadt worr to dat gemeensame Anbott vun Kinnergoorn un Familienzentrum mit en Film ut de Reeg „Böörni op Tour“.