Bi unsen Brägenstorm hebbt wi uns umkeken un nafraagt, wat dat al an Plattaktivitäten rundumbi gifft un överleggt, wat dat villicht goot noch geven kunn.

 

Bannig veel un verscheden Projekte gifft dat al an plattdüütsche Kultur - man schall't blots weten un in de Fööt kamen dat to geneten. Neven dat brede Feld an Theater, Literatur un Musik lött sik ok Kunst op Platt verkloren.

 

Besunners an't Hart liggt uns de Snackers! Wi hebbt Mööglichkeiten schafft un wöölt de ok vun annern geern mitlangs bekannt maken, bi de man Platt snacken un/oder lehren kann. 

 

Wi wöllt opmerksam maken op vun uns plante Anbotten un de Anbotten vun plattdüütsche Ma(c)kers, de jeder vun sik ut mitmaken kann. Af un an mutt man sik vörher anmellen oder lever al mal Korten kriegen. 

 

De gröttste Chance för unse Spraak is dat Bruken in't Dägliche. Wi hebbt na Anbotten keken, de man op hochdüütsch gewohnt is un de dat jüst so goot op platt geven kunn. Dormit kunnen disse Aktivitäten nochmal en nie'en Reiz un nie'e Interesserten kriegen. Dorto ropen wi na buten un binnen!

 

För Lüüd, de wat "platt maken" gifft dat ok den enen oder annern Pries to winnen. Mal kann man sik dorför bewarven, mal mööt de annern eens vun sik ut finnen.

 

Un bi al unse Wogen sind wi uns jümmer wiss: Platt hett wat - wi hebbt dat!