SlP Postkortenmotive

 

Se hebbt dat Ticket för dat Finale in de Tasch: Bosse Hansen un Wencke Reimer kunnen in Leck den Regionalentscheed vun den plattdüütschen Leeswettstriet in Sleswig-Holsteen „Schölers leest Platt“ för sik entscheden.Tosamen söven Kinner ut de Öllersgruppen 3./4. un 5.-7. Klasse weren kamen, um sik vun en Fachjury in de Disziplinen Lesefertigkeit, Utspraak un Utdruck bewerten to laten. May Rettig, Emma Thomsen, Isabel Koch, Charlotte Hoff un Mika Marten Schmidt kemen op de 2. un 3. Plätze.  

För dat Bild vun de Lesers in Leck op "Weiterlesen" klicken.

Modellschulschild HP

 

„Wi snackt Platt“ steiht op dat Schild, mit dat nu all 42 Modellschlen för Plattdüütsch in Sleswig-Holsteen för sik warven könen. Wat de Fier för dat Övergeven angeiht, musste Landesfachberaderin för Nedderdüütsch Karen Nehlsen "Plaan B" treken: Statt in'n Rahmen vun den groten Lannesfackdag un vör de ganzen bedeligden Modellschoolleitungen un -lehrers, övergeev Bildungsministerin Karin Prien flankeert vun de Minnerheitenbeopdragte Johannes Callsen en eerste Exemplar an Steed vun all Modellscholen in't Land an Jan Niemann as en vun de eersten Modellschoolakteure. He bedankte sik jüst so an Steed vun all Scholen bildlich mit en Struuß vull vun kreative Ünnerrichtsideen, vun de he en Utwahl de begeisterte Ministerin vörstellt hett. Mit en Klick hier, kann man sik de Opnahm vun de Veranstalten ankieken. 

 

Sprachenatlas

 

In't Fröhjohr 2020 hett de Nedderdüütsch-Afdelen vun de CAU Kiel en Projekt anfungen, wat nu fardig worr is: en Sprakenatlas to'n Hören. Wat is dat?! Dor warrn de verscheden sleswig-holsteenschen Dialekten dokumenteert. 

Düt Projekt geiht över mehrere Länner in Europa weg un dorbi warrt de Fabel „Nordwind und Sonne“ vun Äsop in vele verscheden Spraken un Dialekten översett, inleest un op de Landkoort pinnt. Twüschen April un Oktober 2020 hebbt sik mehr as 80 Lüüd ut all Regionen vun Sleswig-Holsteen mit jemehr Ortsdialekte dor an bedeligt. De Opnahmen dokumenteren de verschedenen Mundoorten vun't Holsteensche, dat sleswigische, dithmarsche as ok dat noordfreesche Plattdüütsch.

Landesfachdag 2020

 

Dat IQSH musste sien Lannesfackdag Nedderdüütsch as Präsenzveranstaltung afseggen un laadt nu na un na in, de grote un dulle Utwahl an Workshops, de jedet Johr in'n Middelpunkt vun düssen Fackdag staht, online mittomaken. Op dat Fackportal vun dat IQSH gifft dat dorto mehr to weten.

Jüst in düt Johr is ünner Corona-Bedingungen düütlich worrn, welke Chancen digitale Lehrformate beden un wo nödig de bruukt warrn. Sodännig kann de Plattünnerricht noch mehr Spaaß maken, jüst so för de Lehrers, as för de Schölers. 

Plattbeats Finale

 

Vunjohr funn dat Finale vun Plattbeats, den plattdüütschen Songcontest för den ganzen Noorden, online statt. Jedeen kunn mitmaken un för den plattdüüschen Song vun't Johr 2020 afstimmen. Negen Bands un Solomusikmakers twüschen 15 un 30 Johr ut ganz Norddüütschland stunnen mit ehren Plattsong to Wahl. Afrüümt hett den eersten Pries de Düütschpunk-Band Jack Pott mit ehren Song "All mien Frünnen". Ganz knapp dorachter op Platz twee is Popmusiker Dennis Samel-Martins kamen mit "An düssen Disch" un op den drütten Platz hebbt Jury un Publikum de Death Metal-Band Armagenda mit "Seelentyrann" wählt. 

För de nächtse Plattbeats-Runn 2020/2021 kann een sik al rüsten un bewarven. Mehr to weten op www.plattbeats.de .