vertelldochmal210 v contentgross

 

Umbi 1000 Geschichten sünd to den 32. plattdüütschen Schrievwettstriet, wat de veer NDR-Landesprogramme un Radio Bremen utrichtet harrn, inschickt worrn. Dor hett en Jury de fief besten Geschichten vun utsöcht. Um keeneen wegen den Coronavirus in Gefohr to bringen, geev dat vunjohr keen Afsluss-Gala in't Hamburger Ohnsorg-Theater as sunst. Schauspelers hebben de Siegergeschichten dütmal in en virtuelle Fier (antokieken op www.ndr.de) vörleest. Dorna weren de Tokiekers an de Reeg un kunnen den Winner vun den Publikumspries wählen. 

 

IMG 2772bearb

 

"Platt för de Lütten 2020"-Kurs is anfungen

 

De dörven dat, de beiden, ok in Corona-Tieden. Se kamen ut een Huusstand un harrn sik anmellt to unse Fortbillen för Fachlüüd un Ehrenamtlers in Kitas. Na düssen Kurs, de vunjohr wedder vun dat sleswig-holsteensche Sozialministerium un unsen Fördervereen stütt warrt, gifft dat nu al dat teihnt Johr na de Reeg grote Nafraag. Dreemal muss de Start verschaven warrn, an den 23. Mai dorv dat losgahn. Nich all Lüüd, wat lang anmellt weren, muchen nu al mitmaken. Dorför kunnen Lüüd narücken, de eerst noch op de Töövlist stahn harrn. Vör dat losgahn kunn, mussten Regeln verkloort un Schrievkraam erledigt warrn. Allens bruukt mehr Tiet. Wat vördem nevenbi leep, bruukt nu mehr Konzentratschoon.

 

Mammu 9

 

  - wo düsse Geschicht wiedergeiht, bestimmt jüm!

 

Dat ganze Book vun "Mammut Hansen leevt nich in'n Zoo" ut den Quickborn-Verlag finnt jüm to'n Anhören ünner "För Kinner". Ok de Illustratorin Heidrun Schlieker un Ingrid Straumer, de den Text översett hett, hebbt sik vele Spelen un Radels utdacht, de finnt jüm ünner "Material". En ganz dulle Idee harr Gesine Wanke, de Autorin, noch opto: Se hett sik överleggt, wodännig dat wull bi Hansens löppt, wenn se wegen Corona tohuus blieven mööt un hett en Geschicht anfungen, de jem toennschrieven köönt! 

Uns Landesfachberaderin Karen Nehlsen hett dat Fachportal vun't IQSH ganz nieg bestückt. Dor finnt sik nu - nich blots för Lehrende - veel Material un Links rund um uns Regionalspraak un dat Nettwark dor achter. 

 

paul un emma

 

T.B. to de Lehrwarken mit "Paul un Emma" gifft dat wedder niege Arbeitsblääd un mehr sünd in de Maak. All Texten vun den plattdüütschen Leeswettstriet "Schölers leest Platt" laten sik - ok to 'n Anhören - over de Siet jüst so finnen, as Henwiesen op Materialien vun Verlagen un anner Plattformen.  

 Logo IQSH

Plakat Trenk

 

Kennt ji Ritter Trenk? Kloor! Noch nich? Denn warrt dat Tiet! De Geschicht vun em hett Kirsten Boie sik utdacht un opschreven un de Oetinger-Verlag hett dat Book rutgeven. Un dor gifft dat op Platt en Film vun, den jem sik op DVD utlehnen köönt oder kopen müssen.

 

To den Film gifft dat ok noch allerhand Kraam to 'n Warken. En poor Utsnitten finnt sik op unse Siet hier ünner "Material", Noch veel mehr, wat dat rund um dat plattdüütsche Trenk-Projekt Interessantes to weten gifft, steiht op de Internetsiet schoolmester.de [hier geiht dat na den Trailer]