Buehnenkampf 2021 HP

 

För Lüüd, de sik för dat Theaterspelen interesseren, finndt in de Reeg "Plattdüütsch op den Scheersbarg" na de grote Erfolg in't letzte Johr nu de nächste "Plattdüütsche Theaterakademie" statt. Dacht is de Kurs för Minschen af 11 Johr. För de gifft dat en Utwahl an Theatertechniken to utproberen un Gelegenheit in de plattdüütsche Spraak rintosnuppern. Nieg dortokamen is en Anbott för Lüüd, de Theatergruppen leiden oder dat vörhebben. Mehr Infos un allens, wat man för dat Anmellen bruukt, stahn op de Homepage vun de Scheersbarg un in disse Fleger

 

Vundaag – Morgen – Övermorgen

 

Motiv Schreibwerkstatt

 

Vele Schrieverslüüd hebben siet mehr as 30 Johr in de Schrievwarksteden vun de Sleswig-Holsteensche Heimatbund dat nödige Handwarkstüüg för dat Schrieven vun plattdüütsche Texte kregen. Nu geiht dat an dat letzte Wuchenenn in de Februar 2022 wieder mit en niege Dörgang, dütmal för kreative Schrieven. 

2.2 zfn coming soon

 

Een vun unse gröttsten Projekte vunjohr is dat Opsetten vun en niege Internetsiet. Achter en virtuelle Vörhang warrt op Hoochtouren plaant, textet un utprobeert. Wi freuen uns al bannig dor op, wenn wi de frische Optritt vun dat Plattdüütsch-Zentrum un sien Fördervereen mit niege Bidrääg op un över Platt, vun Land un Lüüd un vun Mackers un Makers wiesen könen! 

 

 

DSCF7612

 

"Hoch schall he leven...", weren sik all Gäst an't Enn vun de Fierstunn op de Wittkielhoff in Stoltebüll (Angeln) enig, nadem Günter Herrmann ut Harrislee dat grote P övergeven kregen harr. All twee Johr un intwüschen dat teihnte Mal tekend de Fördervereen vun unse Plattdüütsch-Zentrum Lüüd un Institutschonen ut, de sik in de Landsdeel Sleswig besunners för de plattdüütsche Spraak un Kultur insetten un Bispeel geven för annern. Laudator Jürgen Bethge stelle mit sien bedacht un hartlich Wöör en pralle Struus an Plattaktivitäten vun de niege Priesdreger vör.

 

Die Geschwister Gotje und Lennes Hinrichsen lesen von den Wichteln Arlewatt und Olderup

De Fördervereen vun dat Plattdüütsch-Zentrum för de Landsdeel Sleswig in Leck weer dit Mal mit ehr Johrsversammeln op Wittkielhoff in Stoltebüll to Gast. De Vörsitter Truels Hansen kunn ok de Amtsvörstaher Thomas Johannsen vun’t Amt Geltinger Bucht un Dr. Klaus Messer vun de Gemeen Stoltebüll begröten. Beide Kommunalvertreders stellen in de Versammeln dat Amt un de Gemeen vör. Se bröchen in ehr Gröten to’n Utdruck, dat de Arbeit vun‘t Plattdüütsch-Zentrum un de Fördervereen en grote Bedüden för de Region hett.