Plattbeats

 

Vunjohr finnt dat Finale vun Plattbeats, den plattdüütschen Songcontest för den ganzen Noorden, online statt. Vun den 12. bet to den 26. September kann jedeen mitmaken un twee Wuchen lang ünner www.plattbeats.de för den plattdüüschen Song vun't Johr afstimmen. Negen Bands un Solomusikmakers twüschen 15 un 30 Johr ut ganz Norddüütschland stellen sik den Wettstriet un könen dorbi Priesen vun insgesamt 1200 Euro winnen. Dorbi rekt de musikalische Utwahl vun Death Metal över Funk un R ’n’ B bet na 80er-Synthiepop. Foorts rinhören un mitbestimmen! 

 

Mammu 9

 

  - wo düsse Geschicht wiedergeiht, bestimmt jüm!

 

Dat ganze Book vun "Mammut Hansen leevt nich in'n Zoo" ut den Quickborn-Verlag finnt jüm to'n Anhören ünner "För Kinner". Ok de Illustratorin Heidrun Schlieker un Ingrid Straumer, de den Text översett hett, hebbt sik vele Spelen un Radels utdacht, de finnt jüm ünner "Material". En ganz dulle Idee harr Gesine Wanke, de Autorin, noch opto: Se hett sik överleggt, wodännig dat wull bi Hansens löppt, wenn se wegen Corona tohuus blieven mööt un hett en Geschicht anfungen, de jem toennschrieven köönt! 

Plakat Trenk

 

Kennt ji Ritter Trenk? Kloor! Noch nich? Denn warrt dat Tiet! De Geschicht vun em hett Kirsten Boie sik utdacht un opschreven un de Oetinger-Verlag hett dat Book rutgeven. Un dor gifft dat op Platt en Film vun, den jem sik op DVD utlehnen köönt oder kopen müssen.

 

To den Film gifft dat ok noch allerhand Kraam to 'n Warken. En poor Utsnitten finnt sik op unse Siet hier ünner "Material", Noch veel mehr, wat dat rund um dat plattdüütsche Trenk-Projekt Interessantes to weten gifft, steiht op de Internetsiet schoolmester.de [hier geiht dat na den Trailer]

Cover Mammut Hansen

 

In düsse Tiet, wo all Lüüd veel bi't Huus blieven mööt un de Kinner immer noch nich all to School gahn dörven, much dat Plattdüütsch-Zentrum in Tosamenarbeit mit den Quickborn-Verlag un de Illustratorin Heidrun Schlieker geern en poor Happen Platt anbeden. In negenteihn Folgen hebbt wi ut "Mammut Hansen leevt nich in'n Zoo" vörleest, en lustige un spannende Geschicht för Kinner bet umbi 12 Johr un för all wussen Lüüd, de sik dat Kind sien noch wohrt hebbt. Opto beden wi Material to'n Rätseln un Malen an. Klickt op "För Kinner" un denn ran!

Haus des Gesldes

 

An den 7. März 2020 strömten umbi hunnertfofftig Minschen op den Scheersbarg in Angeln. De Jugendhoff harr to dat 40. Niederdeutsche Spielgruppentreffen – „Plattdüütsch op ‘n Scheersbarg“ ropen. Negen Kinner- un Jugendgruppen harrn sik mit en Bidrag anmellt, dree Gruppen weren dat eerste Mal dorbi. Dorför weer dat Programm dütmal nich blots de Vörmiddag to beleven, dat gung insgesamt över söven Stunnen bet to de Klock fief. In de Pausen geev dat vun de Scheersbarg-Fördervereen utgeven wat to drinken un to eten. Dat hett de dörweg beste Stimmung bi dat Publikum un de Akteure noch en bavenopsett.