Utsnitt PLATTSPOTS

 

Dat veerte Mal ropen wi nu al tosamen mit filmkorte e. V. un de Hoochschool Flensborg dorto op, Filme för en plattdüütsche Kortfilm-Wettstriet intolangen - düt Mal ünner dat Motto: Platt mit Plie! Düt Woort steiht för "geistige Beweglichkeit, Verstand, Erfahrung und Witz". Un jüst dor um geiht dat bi düsse Wettstriet!

Mitmaken könen all, de sik an düsse Rahmen holen: De Filme dörven nich länger as 3 Minuten sien un möten bet to de 15. August 2022 online inlangt warrn. Mehr Infos un Anmellen över www.plattspots.de

2022 05 18 SLP Regio Schleswig 3 4 IdaHansen2 LucaThomsen1

 

Maite Rudolph vun de Ferdinand-Tönnies-School in Husum un Luca Thomsen vun derLütt Dörp School Witzwort-Schwabstedt kunnen an de 18. Mai 2022 in de Sleswiger Speeldeel de Regionalentscheed vun de sleswig-holsteensche Wettstriet „Schölers leest Platt“ in de Öllersgruppen 3./4. Schooljohr un 5.-7. Schooljohr för sik entscheden. Jonna Pauline Niemann un Ida Hansen kemen op de 2.Plätze. 

 

2022 05 18 SLP Regio Schleswig 5 7 MaiteRudolph1 JonnaPaulineNiemann2

2022 04 27 SLP Regionalentscheid Leck

 

(PM Sleswig-Holsteensche Heimatbund) Arne Nottelmann vun de Grundschool in Wacken, Wencke Reimer vun de Geestlandschool in Kropp un, bi de Öllsten kamen twee Leser:innen wieder, Lina Ingwersen vun de Theodor-Storm-School Husum kunnen de Regionalentscheed vun „Schölers leest Platt“ för sik entscheden.

Tosamen söven Kinner ut de Öllersgruppen 3./4. un 8.-10. Klass hebben sik an de 27. April bi dat Plattdüütsch-Zentrum in Leck vun en Fachjury in de Disziplinen Lesen könen, Utspraak un Utdruck bewerten laten. Jonna Hansen un Lina Ingwersen kemen op de 2. un Elly Harbeck, Jule Andresen un Lisa Lund op de 3. Plätze. 

2 Plattdeutscher Rat 2022

 

(Sleswig-Holsteensche Heimatbund) An’n Sünnavend, 30. April hett de nedderdüütsche Sprekergrupp in Sleswig-Holsteen en niegen Plattdüütschen Raat kregen. Bi en Wahlveranstalten in Rendsborg hebbt Lüüd ut dat ganze Land söven vun ölven Kandidatinnen un Kandidaten ehr Stimm geven.

In den Raat sitt nu vun 2022-2026: (ab 2.v.l.) Ingrid Bindzus (Lauenborg), Klaus Jensen (Pellworm), Jan Graf (Pussaad), Christel Fries (Eckernföör), Dirk Söhren (Kiel), Marianne Ehlers (Welt) un Kirsten Voß (Kiel). Mit op dat Bild to sehn sünd Peter Stoltenberg as Präsident vun de SHHB (ganz links) un rechts in't Bild Christiane Ehlers, Nedderdüütschsekretariat un Johannes Callsen, Beopdragte för Minnerheiten in Sleswig-Holsteen.

Drift Barcamp 2022 Gruppenfoto

 

(Heike Thode-Scheel) Drift steiht för „Eifer, Tatkraft, Leidenschaft“. Wi Plattdüütschen würrn seggen: Hest du Drift, bist du Füer un Flamm för jichtenswat, denn büst du iewerig bi de Saak. Jüst so weer dat ok bi dat platt drift barcamp in de Nordseeakademie in Leck an de 9. April 2022. Barcamp? Wat is dat för en viegellienschen Kraam?