Utsnitt PLATTSPOTS

 

Nu sünd se rut! 

 

Ölven niege Kortfilme, de Spaaß an un Lust op Plattdüütsch maken, harrn bi de 19. Flensburger Kortfilmdaag Premiere. Vör de Jury de dree Priesdreger bekanntgeev, worrn de Bidrääg nochmal kort för de Tokiekers in de prallvulle Kinosaal tosamenfaat:

Die Quest“ is: Wat is "Dat beste an Platt"spots 2019? Warrt vunjohr „Heringssalat“ „Dat Wiehnacht-seten“? Is man in „Leuleckerland“ „Platter als die Polizei erlaubt“? Wodännig worr „Heidi ohne Kabel“ „Ich bin Platt“ översetten? „Pass op“, denn „Platt lävt“ in „De Heimaad“!

Un denn keem dat rut: 

An de 22. November 2019 warrn in Flensburg, in’t Kino 51 Stufen (Düütsche Huus), um Klock veer (16:00) de nomineerten Filme ut de drütte Dörgang vun unse Trailerwettstriet PLATTSPOTS wiest un prämeert. All Interesseerten sünd hartlich willkamen un inlaadt dorbi to sien! Dat kost nix un achteran gifft dat noch Gelegenheit för en Snack bi en Glas Sekt (oder Alternativen).

Beten Achtergrund:

Na 2013 un 2016 hebben dat Zentrum för Nedderdüütsch ut Leck un de Flensburger Kortfilmdaag vunjohr to‘n 3. Mal to de Plattdüütsche Trailerwettstriet opropen. Mitmaken kunnen Filmmakers, Studerende un Schölers vun överall, „die den Norden so lieben wie wir“ stunn in de Regularien. Die Filme schölen Spaaß maken un Lust op Plattsnacken.

Bild HP Landesfachtag 2019 10 25 Veel is totiets  to lesen, hören un sehn vun Klaus Groth, de vunjohr 200 Johr old worrn weer. He hett mit sien plattdüütsche Wark unse Regionalspraak in de literarische Welt groot maakt. Ok op den Landesfachdag Nedderdüütsch speelt de Dichter en wichtige Rull, man nich alleen he. In verscheden Fachvördrääg un Workshops könen sik de Deelnehmers an den 25. Oktober 2019 in Kiel ut en rieke Anbott an Weten un praktische Bispelen bedenen un Anregen för dat Vermitteln vun unse plattdüütsche Spraak insammeln. 

Mehr to weten un wo een sik anmellen kann finnt sik hier.

 

Plattbeats Startschööt

 

"Groth"en Optakt in Kiel

 

För "Platt twüschen Punk un Poetry" hebbt sik junge Künstler ut verscheden Genres mit Klaus Groth beschäftigt - direkt un indirekt.


Popmusik, Ledermaker-Jazz un Rap höört jüst so to't Programm as Slam-Texten un klassisch Gedichten.


Düsse Veranstalten is togliek ok de offizielle Startschööt vun Plattbeats - de plattdüütsche Songcontest 2019/20.

 sprachentag2019 bobbycar

 

"Snack mehr (Spraken) mit mi!" - Sprakenveelfalt un fröhe Lehren vun mehr as een Spraak 

 

Ünner düt Thema finnt de zentrale Veranstalten vun de plattdüütsche Sprekergrupp an'n 27. September 2019 vun Klock negen bet fief (9:00 – 17:00) bi uns in Leck statt.

De Europarat hett düssen Akschoonsdag opleggt, um Lüüd den Wert vun dat Lehren vun Spraken düütlich to maken. De Dag schall dorto Anstööt geven, dat mehr Spraken lehrt warrt un dat Lehren föddert warrt. Vunjohr richtet de plattdüütsche Veranstalten dat Oog op de Lütten, de dat besunners licht hebben mehr Spraken miteens to lehren.