Snack platt mit mi luetten

 

Ok vunjohr gifft dat wedder Anbotten för plattdüütsche Fortbillen in Leck. 

För Lüüd, wat in Kitas mit de Lütten Platt snacken, singen un spelen muchen, gifft dat in de Reeg "Platt för de Lütten" dat richtige Handwarkstüüg. In fief Module gifft dat veel to weten un to'n Utproberen, worum un wodännig man mit Kinner in't Vörschoolöller bi't Plattdüütsch lehren Spaaß hebben kann. 

De Groten plegen oder lehren Plattdüütsch  veelmals in Kurse oder Klöönsnackrunnen. För Lüüd, de in düsse Runnen aktiv sünd, hebben wi dat niege Format "Platt klönen könen" torechtmaakt. An en Wuchenenn könen de Deelnehmers sik en Sammlung an Themen, över de sik in düsse Runnen goot snacken lett, op- oder utbuen. 

 

Wattlopen

 

För Minschen, de bi jemehr Arbeit veel mit Lüüd to doon hebben un all Lüüd, de sik för de plattdüütsche Spraak interesseren beden wi tosamen mit de Nordsee Akademie un mit Stütt vun unse Fördervereen dat eerste Mal düssen Bildungsurlaub an. He richt sik an Spraakanfängers, de t. B. in jemehr Kinnertiet Kontakt mit de plattdüütsche Spraak harrn, ehr  aver nienich richtig lehren kunnen. Se möten de Spraak nich snacken, aver so temlich wat verstahn könen.

 

Düsse Veranstalten warrt för Sleswig.Holsteen as Bildungurlaub anrekend. Mehr to weten över dat Programm, den Dozenten un de Nordsee Akademie finnen Se op düssen Fleger

Wortwolke Handlungsplan Sprachenpolitik

 

De Landsregeren vun Sleswig-Holsteen hett den Handlungsplaan Sprakenpolitik in düsse Legislaturperiode wiederentwickelt. Se will dormit de velen Spraken un jemehr kulturelle Anbotten, an de dat nördlichtse Bundsland so riek un dormit eenzig is, Stüüt un Schuul geven. Dat geiht nich blots dor um, de Spraken lehren to könen. Dütmal geiht dat besunners ok dor um, wodännig de Spraken in de Medien vertreten sünd un wodännig se anners wohrnahmen warrn, to hören un to sehn sünd.