Cover Mammut Hansen

 

In düsse Tiet, wo all Lüüd veel bi't Huus blieven mööt un de Kinner immer noch nich all to School gahn dörven, much dat Plattdüütsch-Zentrum in Tosamenarbeit mit den Quickborn-Verlag un de Illustratorin Heidrun Schlieker geern en poor Happen Platt anbeden. In negenteihn Folgen hebbt wi ut "Mammut Hansen leevt nich in'n Zoo" vörleest, en lustige un spannende Geschicht för Kinner bet umbi 12 Johr un för all wussen Lüüd, de sik dat Kind sien noch wohrt hebbt. Opto beden wi Material to'n Rätseln un Malen an. Klickt op "För Kinner" un denn ran!

Haus des Gesldes

 

An den 7. März 2020 strömten umbi hunnertfofftig Minschen op den Scheersbarg in Angeln. De Jugendhoff harr to dat 40. Niederdeutsche Spielgruppentreffen – „Plattdüütsch op ‘n Scheersbarg“ ropen. Negen Kinner- un Jugendgruppen harrn sik mit en Bidrag anmellt, dree Gruppen weren dat eerste Mal dorbi. Dorför weer dat Programm dütmal nich blots de Vörmiddag to beleven, dat gung insgesamt över söven Stunnen bet to de Klock fief. In de Pausen geev dat vun de Scheersbarg-Fördervereen utgeven wat to drinken un to eten. Dat hett de dörweg beste Stimmung bi dat Publikum un de Akteure noch en bavenopsett. 

IQSH Fortbillen Froehjohr 2020
 

Karen Nehlsen, Koordinatorin för Regional- un Minnerheitenspraken in SH hett tosamen mit ehr Kooperatschoonspartners wedder en breed opstellte un interessante Programm an Fortbillen un Gelegenheiten sik fachlich uttotuuschen tosamenstellt. Neven en Blended-Learning-Format to'n Spraaklehren gifft dat Anbotten to Musik un Danzen, Rechtschrieven as ok Mööglichkeiten wodännig man an en School en Plattanbott schaffen oder utbuen kann. De Termine finnen sik rechts op düsse Siet, för en Översicht un mehr Informatschonen klicken Se bidde hier.

 

Platt in de Pleeg

 

Anbott an Fortbillens nich blots för Fachlüüd un Ehrenamtlers, de Opgaven in de Pleeg, as Hölper oder Betreuer övernehmen

 

Plattdüütsch kann bi dat Umgahn mit Minschen Dören opmaken, so dat een lichter en Togang to den annern finndt. Jüst för öllere Lüüd kann de Spraak hölpen sik wedder op Belevnissen to besinnen. 

Um mehr Hölpers de Mööglichkeit to geven dat Platt snacken as Slötel för dat Mitenanner to bruken, beden wi tosamen mit de Nordsee-Akademie  en Spraak-Urlaub över dree Daag un twee enkelte Reflexionsdaag för Betreuungskräfte an. 

Utsnitt PLATTSPOTS

 

Nu sünd se rut! 

 

Ölven niege Kortfilme, de Spaaß an un Lust op Plattdüütsch maken, harrn bi de 19. Flensburger Kortfilmdaag Premiere. Vör de Jury de dree Priesdreger bekanntgeev, worrn de Bidrääg nochmal kort för de Tokiekers in de prallvulle Kinosaal tosamenfaat:

Die Quest“ is: Wat is "Dat beste an Platt"spots 2019? Warrt vunjohr „Heringssalat“ „Dat Wiehnacht-seten“? Is man in „Leuleckerland“ „Platter als die Polizei erlaubt“? Wodännig worr „Heidi ohne Kabel“ „Ich bin Platt“ översetten? „Pass op“, denn „Platt lävt“ in „De Heimaad“!

Un denn keem dat rut: