In ‘t Johr 2002 hett de Vörstand vun de Fördervereen beslaten, dat all twee Johren en Pries an Personen oder Institutschonen utgeven warrn schall, de sik besünners för de plattdüütsche Spraak insett hebben. De Idee un dat Anstöten keem vun Günter Fleskes, de to de Tiet Baas vun ‘t Plattdüütsch-Zentrum in Leck weer.

 

De Pries wiest op de Anfangsbookstaav vun Plattdüütsch hen un is en grote P. Mit de Pries warrn grote Leistungen un Verdeensten för dat Vöranbringen vun de nedderdüütsche Spraak un Kultur eehrt. As Hölp för de Arbeit spennt de Fördervereen 500 Euro an de Priesdreger.

 

Disse Utteknung schall op de verdeenstvulle künstlerische un praktische Arbeit mit dat Nedderdüütsche in ‘t däägliche Leven un Doon henwiesen. Dat schall as Vörbild un Signal helpen un dormit uk anner Menschen un Institutschonen to anregen sik för de Spraak intosetten.

 

Dat Stiften un Utgeven vun disse Ehrenpries schall dat Ziel hebben, dat dat Plattdüütsche in de Köpp vun de Menschen mehr Bedüden un Geltung kriegen deit. Dor schall bi rutkamen, dat uk in tokamen Tieden dat Plattdüütsche as Ümgangsspraak in de Familien, an ‘n Arbeitsplatz, in Bildungssteden un överall för all Lüüd sien Platz hett.

 

Priesdreger

 

Grote P 2017.12017 

Internationale Bildungsstätte Jugendhof (IBJ) Scheersberg

‚Plattdüütsch op ‘n Scheersbarg‘: En faste Bestanddeel in dat Programm vun de IBJ Scheersberg sind dat nedderdüütsche Speelgruppendrapen un Warksteedwuchenennen ünner dat Motto: Kinner un junge Lüüd wiest wat op Platt.

  

   

 

2015Grote P 2015 

Susanne Dircks

 

Se gifft Plattdüütschünnerricht an Volkshochscholen, Kinnergoorns un Scholen un is Mitglied in de Jury bi de Leeswettstrieden. Över vele Johren sett se sik in för Plattdüütsch – besünners op Eiderstedt.

 

  

 

 

Grote P 2013.12013   

Dr. Annemarie Jensen   

As „Botschafterin för dat Plattdüütsche“ is dat ehr Anliggen, dat de plattdüütsche Spraak an ‘t Leven blifft. Dorto gifft se Kursen an Volkshochscholen, forscht un schrifft Böker.

 

 

Grote P 2011.1

2011 

Schleswiger Speeldeel e.V.

De Theatervereen wurr 1961 grünnt un he fördert de Pleeg vun de nedderdüütsche Spraak – un dat siet 1998 mit en egene Speelsteed in Sleswig. Besünners de op Tokunft orienteerte Arbeit mit de ‚Schleswiger Mini-Speeldeel‘ geev de Anstööt för de Utteknung.

 

 

Grote P 2009.12009 

Godewind   

De Plattdüütsche Musikgrupp ut Sleswig-Holsteen hett sik 1979 tosamenfunnen un sett sik sietdem dorför in, dat plattdüütsche un Volks-Musik wiet in ’t Land rumkümmt.

   

  

Grote P 2007.12007 

Hans-Heinrich Kolbeck

 

He hett sik groot un ehrenamtlich insett för ‘t Erholen vun plattdüütsche Spraak un Ünnerricht uk dörch utgeven vun plattdüütsche Böker un Spele un Ünnerstütten vun Scholen un Kinnergoorns mit Ünnerrichtsmaterial.


 

 

Grote P 2005.1 2005   

De Junge Lüüd ut Löwenstedt

 

De Theatergrupp besteiht ut kreative junge Lüüd un belevt mit plattdüütsche Theater un plattdüütsche Spraak dat Kulturleven in Löwenstedt, in de Kreis Nordfreesland un wiet över dat Land rut.

 

 Grote P 2002.1

2002

Marita Marxen

 

En Fru as Pioneer för Plattdüütsch in Kindergoorns: dörch ehr Vörangahn weer dat plattdüütsche Konzept för "Frühe Mehrsprachigkeit" al 2002 en faste Bestanddeel in 14 ADS Kinnergoorns.