Plattdüütsch steiht fastschreven in de Lannesverfaten vun Sleswig-Holsteen. Siet 1999 will de Europäische Charta för Regional- oder Minnerheitenspraken an de kulturelle Sprakenveelfalt in Europa biholen. Sleswig-Holsteen is en Mehrsprakenland un hett dat Gesett tekent. De Handlungsplaan Sprakenpolitk (2015) vun de Lannesregeren schall seker stellen, dat ok in de kamen Johren Sprakenveelfalt un Mehrsprakigkeit in unse Gesellschap op Duer fast haken blieven. Jedereen schall sien Chartaspraak in de Alldag bruken könen. Dat meent

 

  • Plattdüütsch vun de Kinnergoorn bit na de Hoochschool,
  • Plattdüütsch in Amt un Verwalten un
  • Plattdüütsch in de Medien.


Dat Plattdüütsche Zentrum (ZfN) in Leck is hüüt över 20 Johr oolt. To finnen is dat Zentrum in dat fröhere Leiterhuus vun de Nordsee Akademie. Dat Zentrum schall de plattdüütsche Spraak un Kultur aktiv na vörn bringen.

 

2015 Landeshaus

Plattdüütsch in't Lanneshuus, Juli 2015


Dat bedüüdt Beraden, Hölpen, Tosamenbringen un Informeren vun Lüüd un Gruppen, de sik um dat Plattdüütsche kümmern doon. Meent sind Scholen, KiTas, enkelte Lüüd, Vereene, Medien un annner Institutschonen…, de denn Wiederbilden, Akschonen un Projekte planen un in'e Gang setten wüllen.


De Arbeit vun dat Plattdüütsche Zentrum mutt in de Öffentlichkeit un in't Internet to marken sien. Wichtige Busteen is denn ok en överregionale Nettwark, sünnerlich de Tosamenarbeit mit dat Plattdüütsche Zentrum in de Lannesdeel Holsteen.